…هالاكمن شغلة خطروا عبالي: يعني كيف

لسا المغتصب يكافأ بزوجة ليغتصبها الف مرة – جريمة ٣٠٨

لسا غزة محاصرة

لسا الاردني المدني بيتحاكم امام محكمة امن الدولة

لسا عديم الشرف بيقتل والقانون بيحميه بإسم الشرف

لسا قانون الانتخابات سيئ

لسا الاسرى والمعتقلين الاردنيين في الخارج مهملين

لسا فلسطين محتلة – من المية للمية

لسا الحياة السياسية المبنية على الاحزاب زبالة

لسا بعض سكان هالوطن شايفين حالهم عغيرهم وعنصريين بلا سبب منطقي

لسا حق اولاد الاردنية بالجنسية مهضوم

لسا سلطة اوسلو وحماس حاكمين

لسا الدين شماعة للحكومة وللمعارضة

ولسا التعليم زبالة والجامعات ساحات معارك

طبعا على الجانب الايجابي للأمور لسا في نية للاصلاح ولسا ناصر جودة وزير خارجية ولسا في امن و امان ولسا حلمي اني اصير احسن من ميسي وكريستيانو واقعي

ملاحظة: لسا اللي كانوا حاكمين قبل الربيع العربي اولاد كلب – واللي حكموا بسبب الربيع العربي اولاد كلب برضه

عالاغلب لسا عقلي حتى ساعة كتابة هذه الكلمات معي (طبعا مش اكيد) بس السؤال الى متى رح يضل معي؟ لأنه شكله الطريق لسا طويل

Advertisements